في عصر التحول الرقمي، بقت شركات البرمجة عنصر أساسي لأي مشروع بيبدأ أو بيتطور. سواء كنت صاحب شركة، مطور فكرة تطبيق، أو حتى عندك مشروع صغير وعايز تبدأ موقع إلكتروني، لازم تتعامل مع شركة برمجة. بس للأسف، السوق مليان شركات غير محترفة، ومش قليل الناس اللي وقعوا ضحايا نصب أو سوء خدمة. علشان كده، المقالة دي هتكون دليلك لاختيار شركة برمجة محترفة وتفادي أي فخ ممكن تقع فيه وانت بتختار الشركة
افهم إنت محتاج إيه بالظبط
أهم خطوة قبل ما تتكلم مع أي شركة برمجة هي إنك تبقى واضح مع نفسك:
هل محتاج تطبيق موبايل؟ ولا موقع إلكتروني؟
المشروع كبير ولا بسيط؟
هل في فكرة جاهزة ولا لسه بتتكون؟
ميزانيتك قد إيه؟
متوقع التسليم إمتى؟
كل ما كنت واضح، كل ما الشركات المحترفة قدرت تساعدك صح، وكل ما تجنبت الشركات اللي بتبيع وعود بدون فهم.
دور على سابقة أعمال حقيقية
شركة البرمجة المحترفة لازم تقدر توريلك مشاريع سابقة من شغلها مش بيكون مجرد كلام على ورق وخلاص لا اعمال فعلية
اسأل عن
نوع المشاريع اللي نفذوها
هل اشتغلوا على حاجة مشابهة لمشروعك؟
هل في روابط حقيقية للمواقع أو التطبيقات اللي نفذوها؟
خد وقتك وجرب تفتح المشاريع دي بنفسك. شوف الجودة، وسهولة الاستخدام، والشكل العام. وهل يتوافق معاك او لا
لو الشركة مش قادرة تعرض عليك شغل سابق أو بتتهرب، دي أول علامة خطر!
اقرأ تقييمات وتجارب العملاء السابقين
السوشيال ميديا وجوجل هما أقرب وسيلة تعرف منها سمعة أي شركة.
ادخل على صفحاتهم، شوف
آراء العملاء
التعليقات على البوستات سلبية وايجابية
هل في شكاوى متكررة؟
طريقة الشركة في الرد على النقد إزاي؟
اتأكد من وجود عقد مكتوب ومفصل
العقد هو الضمان الوحيد ليك
لازم يشمل
تفاصيل المشروع والوظائف المطلوبة
خطة التنفيذ والمراحل
المدة الزمنية
التكلفة وطريقة الدفع (مقدم/على مراحل)
حقوق الملكية الفكرية
سياسة التعديل والدعم الفني
الشركة اللي بترفض تكتب عقد أو تقولك “نشتغل كده بالثقة” غالبًا مش جديرة بالثقة.
لازم تتاكد من كل التفاصيل قبل ما تتفق على التنفيذ
قابل الفريق أو مدير المشروع
لو تقدر، اعمل مكالمة أو زيارة لمقر الشركة
أسأل مين هينفذ المشروع؟
هل في مبرمج واحد ولا فريق كامل؟
إزاي بيتم التواصل خلال التنفيذ؟
هل في مدير مشروع مسؤول؟
التواصل الفعّال بيفرق كتير في نجاح المشروع.
اتعرف على طريقة العمل
الشركة المحترفة بيكون عندها خطوات واضحة في التنفيذ
تحليل احتياجات المشروع
تصميم UI/UX
تطوير برمجي
اختبارات
تسليم نهائي
دعم فني بعد التسليم
دعم لكل المشاكل مباشر وسهل
لو الشركة مش بتتكلم في الكلام ده، أو بتقدم عرض بدون خطة، ده معناه إن فيه عشوائية، وده بيأدي لمشاكل في التنفيذ
متغركش الأسعار الرخيصة
لو لقيت شركة بتعرض عليك تنفيذ تطبيق أو موقع بسعر أقل بكتير من السوق، غالبًا
هيستخدموا أكواد جاهزة أو قوالب ضعيفة
مش هيهتموا بالجودة أو تجربة المستخدم
هتكتشف بعد شوية إنك محتاج تعيد المشروع من أول وجديد
في مشاكل ممكن تواجهك عند التنفيذ
سعر معقول + جودة محترمة = استثمار ناجح.
اتأكد إن في دعم فني وصيانة بعد التسليم
كتير من الشركات بتسلم المشروع وتختفي
اسأل من البداية
هل في فترة دعم فني مجانية؟
إيه نوع المشاكل اللي بيغطوها؟
هل في عقد صيانة شهري أو سنوي؟
مشاكل البرمجة ممكن تظهر حتى بعد ما كل حاجة تبان شغالة، فلازم تكون متطمن إن حد هيرد عليك وقت الحاجة.
احذر من الشركات اللي تديك “وعود وردية“
فيه شركات بتوعدك إن المشروع هينجح 100%، وهيعمل ملايين، وهيكون “زي فيسبوك”، لمجرد إنك عندك فكرة.
الشركات المحترفة هتسمعك، وتديك تقييم منطقي، وتقترح حلول حقيقية. لكن اللي بيضحك عليك وبيقولك “كل حاجة سهلة”، غالبًا هدفه بس ياخد الفلوس.
الخلاصة: إزاي تختار شركة برمجة محترفة؟
افهم احتياجك
اطلب شغل سابق
اقرأ التقييمات
وقع عقد واضح
افهم طريقة شغلهم
اختار شركة واقعية ومحترفة
متجريش ورا الرخيص
اختيارك لشركة البرمجة مش قرار سهل، لأنه ببساطة هو اللي هيحدد نجاح مشروعك من فشله. خد وقتك، اسأل، وافهم، علشان تلاقي شريك تقني ينجح فكرتك، مش مجرد منفذ بياخد الفلوس ويمشي